Erinarsortartoq Steffen Brandt nersornaaserneqarpoq

Ineriartornermi pisunik maluginninniallaqqinnini, nipilersoriaatsimik oqaaseqatigiiliornermillu qaffasissumik akullugit, inuppalaartumik saqqummiuttarmagit nersorniarneqarpoq.
Allattoq Mads Lynge
novembarip 22-at 2007 16:43

Nipilersortartut ilisimaneqarluartut TV2 erinarsortuat Steffen Brandt nersornaatisisussanngorpoq.

Aningaasaateqarfik Ingeniør Ernst B. Sunds nersornaasiisuuvoq 150.000 koruuninik aningaasartalimmik.

Steffen Brandt, ineriartornermi pisunik maluginninniallaqqinnini, nipilersoriaatsimik oqaaseqatigiiliornermillu qaffasissumik akullugit, inuppalaartumik saqqummiuttarmagit nersorniarneqarpoq.

Nipilersortartut TV-2 CD-mik saqqummersitseqqammerput, taaguuteqartumik ”For dig ku jeg gøre alting” illit pillutit suna tamaat qanoq iliuuseqarfigisinnaagaluarpakkimik nutserneqarsinnaasoq.

TV2-kkut decembarip qaammataani Kalaallit Nunaanut nipilersoriassasut pilersaarutaagaluarpoq, allanilli pisassaqarnertik pillugu taamaatinnartariaqarsimavaat. Nipilersoqatigiit SUME erinarsortartullu Kimmernaq tusarnaartitseqatigisussaagaluarpaat.