Erinarsortartoq atuakkiortorlu kommunalbestyrelsimut IA sinnerlugu qinigassanngortittoq
Kommunalbestyrelsimut apriilip ulluisa arfernanni qinigassanngortinnissamut nalunaarnermut piffissaliussaq ippassaq marlunngornermi qaangiuppoq.
Nunatsinni kommunalbestyrelsinut taasinissamut qinigassanngortittut katillutik 253-iupput. Taakku kommunalbestyrelsinut 2017-imi taasinissamut qinigassanngortittunit 33-nik ikinnerupput.
Qinigassanngortittuni takulertornartoq kulturimut tunngasunik aallussalittut ilisimaneqarluarpoq: Tassalu 68-inik ukiulik, nipilersortartoq, atuakkiortoq oqallisaarisartorlu, Juaaka Lyberth.
AAMMA ATUARUK Siumut vil flytte arbejdspladser og uddannelser fra hovedstaden
Taanna Kommuneqarfik Sermersuup kommunalbestyrelsianut Inuit Ataqatigiit sinnerlugit qinigassanngortippoq.
Taakkunannga arfinillit Nunatta Qitornai sinnerlugit
Taakkunannga 80-it Inuit Ataqatigiit sinnerlugit
Taakkunannga 22 Atassut sinnerlugu
Taakkunannga 95-it Siumut sinnerlugu
Taakkunannga 13-it Demokraatit sinnerlugit
Taakkunannga 37-t Naleraq sinnerlugu
- Kommuneqarferujussuatsinni ineriartortitseqataarusuppunga. Illoqarfiit nunaqarfiillu pillugit iliuuserisassatut pilersaarutinik timitaliisoqartariaqarpoq, taanna KNR-imut oqarpoq.
- Kikkulluunniillu tikilluaqqusaasutut misigeqqullugit assigiinngisitaartuunermik inissaqartitsinissamik qulakkeeqataarusuppunga. Kommuneqarfissuatsinnimi inuit 23.000-uvugut, taanna oqarpoq.
Siumukkormiuusimasoq
Juaaka Lyberthip politikkimut tunngasunik aatsaat suliaqalinngilaq. Siumukkormiuunikuuvoq – ilaatigut partiimi tassani 1981-imiit 1982-imut allattaanerulluni.
Siumup Danmarkimi immikkoortortaqarfeqaleraneranut aamma suleqataavoq.
Siumukkormiuunikuuvutit – sooq maanna IA-kkormiuuit?
- Ukiorpassuit matuma siorna Siumukkormiuuvunga. Politikkimut tunngasunik ukiut 20-t matuma siorna kingullermik suliaqarpunga. Sassarnissarali sivisuumik isumaliutigaara, eqqarsaatissiissutinik allattarlungalu inuiaqatigiinni oqallinnermi assigisaannilu peqataasarpunga. IA 2010-p missaanili suleqatigisarpara. Taamaammat IA tunuliaqutaralugu sassarnera uannut takornartaanngilaq, taanna oqarpoq.
AAMMA ATUARUK Asii Chemnitz Narup politikkimut uteqqittoq
Juaaka Lyberthip, Kommuneqarfik Sermersuup 2008-miit 2019-imut borgmesteria Asii Chemnitz Narup, nuliaraa.
Nulialu Inatsisartunut IA aamma sinnerlugu qinigassanngortilluni nalunaaqqammerpoq.
