Erinarsoqatigiit tunulialerput
Nordisk Koncertkorip siulittaasua Kirsten Olsen ima oqarpoq:
-Kommunerujussuatsinni sumiiffiit allat tikeraarusussimavagut, tusarnaartitsivigalugit, sunnerniarlugit aamma erinarsoqatigiinnut ilanngunnissamut sunnerniarlugit, .
Erinarsoqatigiit appitassaat assigiinngitsuussapput, nunanit avannarlernit, Kalaallit Nunaannit, nutaanngitsunit, Beatles-innit ileqqorsuusianillu tigusaallutik. Erinarsoqatigiit appisimaartagatoqqaminnik nutaanik ilaartorlugit tusarnaartitsissapput.
Erinarsuinnassanngillalli. Piffissammi ilaani erinarsoqatigiit innuttaasunik peqataatitsissapput.
-Erinarsoqatigiinni siulersuisoq Bente Colding-Jørgensen aamma pattattartoq Ann-Cathrine Nesager tikitaminni erinarsornermik nipilersornermillu soqutigisalinnut pikkorissartitsissapput. Ilaatigut atuartunut tusarnaartitsisoqassaaq, atuartut erinnanik nipinillu sungiusarteriarlugit peqataatillugit, Kirsten Olsen oqarpoq.
Nordisk Koncertkor Nuummi ilisimaneqarneruvoq, taamaammat aamma nuannarinnitsitik mininnianngilaat. Kommuneqarfik Sermersuumimi tusarnaartitsinik aallarnerlugit Katuami ataasinngornermi maajip 23-ani tusarnaartitsissapput.
Pingasunngornermi 25. maaji Kulusumut ingerlaqqikkunik oqaluffimmi tusarnaartitsissapput, sisamanngornermi tallimanngornermilu 25. aamma 27. maaji Tasiilap oqaluffianiissallutik. Tusarnaartitsinerit tamarnik unnukkut arfineq-marlunut aallartittassapput.
