Erinarsoqatigiit siulittaasortik qineqqippaat
Erinarsoqatigiinni Aavaakkunni Carsten Siegstad siulittaasutut ingerlaqqippoq. Sapaatip akunnerata naanerani ataatsimeersuarnermi taanna qinerneqarpoq taamalu ukiut arfineq aappassaat siulittaasutut ingerlalluni.
Allattoq Noah Mølgaard
Erinarsoqatigiit Aavaat nutaamik ataqqinaammik ilaasortartaarput. Tassaavoq Poul Ringsted nikallujaalluni suliniaqataanini pillugu taamatut toqqarneqarluni.
Poul Ringsted Aavaakkunni aqutsisutut taartissamaatit siullersaraat erinarsoqatigiinnilu ukiuni aqqaneq marlunni aningaaserisuusimalluni.
Taanna Tasiilami ilinniartitsisutut sulisimavoq 1969-miit 1973-ip tungaanut aammalu Narsamiilluni 1973-imiit 1997 tikillugu.
Aavaakkunni manna tikillugu Ferdinand Sandgreen kisiartaalluni ataqqinaammik ilaasortaavoq.
Aavaakkut ukiup ingerlanerani Roskilde Domkirke-mi Tivolillu tusarnaartitsisarfiani tusarnaartitsissamaarput.