Erinarsoqatigiit MIK Københavnimi tupaallatsitsisut
Kuummiuni 1960-ikkunni peqqissaasuusimasup Licie Bjerregaard-Runep erinarsoqatigiit taamanikkut 1995-imi isumaqatigiissusiorfigai ilisaaleruni Mikikkut erinarsussasut.
Erinarsoqatigiimmi Københavnimi Kalaallit Illuutaanni ataasinngornerit tamaasa sungiusarneranni tusaasarsimavai, erinarsornerallu nuannarisimallugu.
Licie Bjerregaard-Rune, 95-inik ukioqarluni toqukkut qanittukkut qimaguppoq. Peqqissaasuusimasumillu ukiut 21-t matuma siornatigut isumaqatigiissusiartik Mikikkut eqqaamavaat.
Kalaallit Illuutaat Københavnimiittoq Facebookimi taama allappoq.
Kalaallisuunillu atukkersorsimallutik Københavnimi Margrethekirkenimi erinarsorput, Guuterput atorlugu.
Liciep illerfia aamma akiarpaat, soorlu Liciep tamanna kissaatigisimagaa.
Mikikkunni erinarsoqataasartut marluk Svend Ågep Agnes Jensenillu Liciemik 1995-imi isumaqatigiissusiartik eqqaamavaat, Liciellu ilisaanerani erinarsorlutik.
Licie Bjerregaard-Runep ilaqutai tupassimasut attortissimaqisullu Svend Åge Jensenip oqaatigaa.
