Erinarsoqatigiit Aavaat nalliuttorsiorput

Erinarsoqatigiit Aavaat Danmarkimi ulluinnarni erinarsortartut ullumikkut ukiut qulinngorlugit nalliuttorsiorput. Tamanna malunnartinniarlugu Københavnimi Illorsuaq Atlantikumi katerisimaartoqarpoq. Erinarsoqatigiit ukiuni qulini erinarsoqatigiittarnerminni erinarsortakkatik tassani tusarnaartitsissutigissavaat. Erinarsoqatigiit MIK-ikkut qaaqquneqarsimammata immaqa taakkunannga angorneqartassapput.

Aavaakkut arlaleriarlutik kunngikkormiut erinarsorfigisarpaat, taamaammaallu erinarsoqatigiit namminneq imminnut kunngikkormiut erinarsoqatigiivinik taagortarput. Kunngikkormiunilli nalliuttorsiornermi peqataasoqanngillat.

Aavaakkut tusarnaartitsisarnerini peqataajuartartut aamma peqataassapput. Nunatta pisortatigoortumik ilisaritinneqartarnerani peqataasartut aamma peqataassapput, assersuutigalugu Naalakkersuisut siulittaasuat, Hans Enoksen, aamma Inatsisartut siulittaasuat, Jonathan Motzfeldt. Folketingimi ilaasortaatitagut, Lars-Emil Johansen, Siumut, aamma Kuupik Kleist, IA, peqataapput.

Canadamiut aallartitaat Danmarkimilu kalaallit kattuffiini siulittaasut arlallit peqataapput, soorlu kalaallit kattuffianni INUIT-mi siulittaasoq kalaallillu peqatigiiffianni siulittaasoq ilaapput.