Erinarsoqatigiit Aavaat juullisiutinik saqqummersitsipput

Kalaallit Erinarsoqatigiit Aaavaat, Københavnimi najgaqartut, ukiunik qulinngortorsiornerminnut atatillugu nutaaqqamik nutaamik juullisiutinik imalimmik saqqummersitsipput.

Peqataapput erinarsortartoq Julie Berthelsen aamma qarlrtartartoq Verner Nicolet.

Carsten Siegstad Erinarsoqatigiinni Aavaakkunni peqataasartoq oqaluttuarpoq, erinarsoqatigiit nuutaaqqamik saqqummersitsinissartik ukiorpassuarni neriuutigisimagaat, maannali aatsaat piviusunngorsinnaanngorsimasoq.

- Saqqummersitsinissarput upernaaq aalajangiupparput, taamanili sungiusalerpugut, tassa sivisoorsuarmik uagut juullisioreerpugut, Carsten Siegstad oqaluttuarpoq.

Nuutaaqqat 3000-it erinarsoqatigiit saqqummersippaat, taakku Kalaallit Nunaanni Danmarkimilu pisiniarfinnut arlalinnut tunineqareerput.

- Julie Berthelsen Verner Nicolet-ilu tupinnaannartumik suleqatigilluarsimavagut. Peqataanissaminnut ingerlaannaq akuersipput, tamannalu qujamasuutigeqaarput, Aavaakkut siulersuisuini siulittaasoq nuannaarlunilu tulluusimaaqisoq, Carsten Siegstad, oqaluttuarpoq.

Aavaakkut nutaaraliaat sapaatip akunneri marluk missaat qaangiuppata Kalaallit Nunaanni pisiarineqarsinnaalissaaq