Erinarsoqatigiit Aavaat decembarimi ulapittussaassapput

juullimut tusarnaartitseqattaarnerit aallartereerput, aamma decembarip qaammataani tusarnaartitsinerit assigiinngitsut pilersaarutaareerput.
Allattoq Mads Lynge
novembarip 25-at 2009 07:39

Juullimi tusarnaartitsisarnerit aallarnerlugit Glumsøp oqaluffiani sapaatiummat tusarnaartitsipput, Faxemilu Hylleholtip oqaluffiani sapaatiuppat tusarnaartitsissallutik.

Atlantikup avannaani nunat juullimi tusarnaartitsinissaanni, decembarip aqqaneq-aappaanni pisussami, erinarsoqatigiinnit Islandimiunit Savalimmiormiunillu peqataaffigineqartumi, erinarsoqatigiit MIK-ikkut peqatigalugit Aavaat aamma tusarnaartitsissapput.

Taamaalereerpat Silap pissusaa pillugu ataatsimeersuarnerup nalaani tusarnaartitsinissaq, Københavnip oqaliffissaarsuani decembarip ulluisa 13-ianni pisussaq, peqataaffigissavaat, ilaatigut Sydafrikami biskoppiuneq Desmond Tutu tusarnaartoralugu.

Danmarkip Radioata ileqquusumik aallakaatittagaa ”Juullimut inuulluaqqussut”, decembarip 22-ani aallakaatinneqalerpat, erinarsoqatigiit Aavaat peqataassapput.

2009-milu tusarnaartitsisarnerit naggaserlugit juulliaqqami kalaallisut naalagiarnermi tusarnaartitsissallutik.