Erinarsoqatigiit Aavaat aningaasanik tunissutisilluarput

Erinarsoqatigiit ”Aavaat” Danmarkimi angerlarsimaffillit kulturikkut Kalaallit Nunaannit tulluusimaarutaalluartuupput. Ukiunik qulinngortorsiorlutik ippassaq nalliuttorsiorneranni tamanna malunnarluarpoq.

Aavaakkut ukiunik qulinngortorsiornerat illorsuarmi Atlantikumi Københavnimiittumi nalliuttorsiorneqarpoq, erinarsoqatigiillu nuannarineqarluinnartuunerat tulluusimaarutigineqarnerallu suli uppernarsineqarneruvorlusooq, checki,

40.500 koruunit nalinganut aningaasartalik, naalakkersuisuniit suliffeqarfissuarnillu Namminersornerullutik Oqartussanit pigineqartunit annernit qulinit tunissutaasoq, Naalakkersuisut siulittaasuata, Hans Enoksenip, kaarsarfimminiit ammullugu erinarsoqatigiinnut tunniummagu.

Aavaakkut ukiuni qulini siullerni tusarnersumik erinarsoqatigiittarsimanerannut Inatsisartut aamma qujassuteqarlutik tunissuteqarput, taakku 5.000 koruuninik tunissuteqaramik.

Aavaakkut taama nersorneqarmata naatsorsuutigisinnaalerunarparput erinarsoqatigiit ukiut qulit tulliuttut suli erinarsoqatigiittarsinnaassasut. Ukiut qulit taakku ingerlaneranni siulersuisut marluk siulersuisuusarsimapput, erinarsoqatigiillu 70-init amerlanerit maannamut peqataasarsimallutik.