Erfalasut qiteqqusimatinneqassapput

Danmarkimi nunatsinnilu naalakkersuisut aalajangiuppaat Asiami ajunaanersuaq pissutigalugu nunatsinni Savalimmiuni Danmarkimilu nunanilumi avannarlerni erfalasut aqagu sapaatiuppallu qiteqqusimatinneqassasut.

Innuttaasut kajumissaarneqarput inuit 125.000-t malerujussuup Asiap kujataata-kangiani ajunaarnerani misiginneqataanermik takutitsiniarnermi erfalasut aqagu sapaatiuppallu qitequsimatinneqassasut.

Ajunaarnersuarlu pissutigalugu nunatta biskopiata Sofiannguaq Petersenip sinerissami palaseqarfiit kajumissaarpai ullumi aqagulu naalagiarnerni ajunaarsimasut qinnunneqartaqqullugit kiisalu katersuiniarnermi ikiuuteqqullugit, innuttaasut aningaasanik oqaluffiit nakkakaatitsiviinut ilisisaqqullugit, aningaasallu katersukkat ingerlateqqinneqartassammata.

Danmarkimi kunngikkormiut aqagu ilassinnissaat Asiami aajunaarnersuaq pissutigalugu ilassinninnissaat taamaatiinnarpaat.

Nunallu Asiami eqqorneqartut assigiinngitsut ukiortaarsiornissaq taamaatiinnarpaat.