Eqqusat pillugit nittartagaliortut
Nunat avannarliit imartaanni eqqusat aalisarneqarlutillu tunisassiarineqarsinnaanersut suliniummi misissuiffigineqarpoq.
"Urchin" attaveqaqatigiiffiuvoq Norgemiunit, Islandimiunit, Irlandimiunit, Skotlandimiunit Nunatsinneersunillu peqataaffigineqartoq. Attaveqaqatigiit EU-mit aningaasaliiffigineqarsimapput ilaatigullu Nunat avannarliit imartaanni eqqussanik aalisariaatsinik aalisarnermillu aqutsinermik misissuissallutik.
Uumassusilinnik ilisimatooq Nikoline Ziemer Royal Greenlandimi inerisaanermik aqutsisutut atorfeqartoq Nunatsinnit peqataavoq.
Nikoline Ziemer oqaluttuarpoq attaveqaqatigiit angusaasa ingerlatseqqinnissaannut nittartagaq atorneqassasoq.
Suleqatigiissitallu suliassaasa siullersaat tassaavoq eqqusat kinguaassiortarnerannut tunngasunik paasissutissanik katersineq
Nunani avannarlerni suleqatigiit suliniummi Urchinimi suleqatigiinnerat 2018-ip tungaanut ingerlassaaq.