Eqqumiitsuliortut saaqummersitsilerput

Eqqumiitsuliat Nunatsinneersut nutaaliaasut pillugit Københavnimi tallimanngorpat nutaamik saqqummersitsisoqassaaq. Saqqummersitsineq Den Nordatlatiske Bryggemiittussaq taaguuserneqarpoq ”Qamuteralak Aappilasoq”.

Saqqummersitsinissaq ilanngutassiortutta alakkarpaa eqqumiitsuliortullu Qamuteralak Aappilasoq pillugu qanoq oqaasissaqarnersut apersorlugit.

Nunarsuarmi ineriartortoqarnerani peqataaniarutta sukkanerusariaqarpugut, Inuk Silis Høegh, Qaqortumi 1972-imi inunngortoq oqarpoq. Kalaallit Nunaanniit eqqumiitsuliat ullutsinneersut Danmarkimi tallimanngorpat saqqummersinneqarneranni Inuk Silis Høegh peqataassaaq.

Kalaallit Nunaanniit eqqumiitsuliat ullutsinneersut kingullermik taama annertutigisumik 1993-imi saqqummersinneqarput. Saqqummersitsineq taamanikkut taaguuteqartinneqarpoq ”Qajaq timmisoq” taannalu eqqumiitsulianik takutitsivimmi Brandt Klædefabrikkimi Odensimiittumi saqqummersinneqarluni.

Ukiut aqqaneq-marluk qaangiuteriallartullu qajaq qamuteralammik taarserneqarpoq. Ilaatigut pineqarpoq kinaassuseq, apummi illernginik aqqutiliornissaq – aamma nunasiaataanerup kingorna, taama oqaluttuarpoq saqqummersitsinermi illersuisut pingasuusut ilaat.

- Saqqummersitat amerlanerit nunasiaataanermeersunik nassataqarpoq. Aamma kultooritoqaq pigiumaannarusutarput saquumersitsinissami ersippoq. Kultooritsinni tigummiinnarusutagut arlaqarput, soorlu Danskit kultooriat kultoorilu nutaaliaanerusoq pigiinnarusullutigu, John Rosing oqarpoq. Saqqummersitsinermi aamma peqataapput Charlotte Almsig aamma Annette Dyrhøj Møller, taakkua eqqumiitsuliornermi oqaluttuarisaanermik ilinniagaqartuupput.

Eqqumiitsuliortut 13-iusut ilaat tallimat Qajami Timmisumi 90-ikkut aallartinneranni peqataapput.

Inuk Silis Høegh allarluinnnarmiippoq. Eqqumiitsuliai ilusilersugaasut, pulaartut-nik taaguuserlugit. Sullerngit angisoorujussuit, aasiaat sisammik niullit immiaaqqallu puukuinik timitallit. Kalaallit Nunaannut ungasillinermut tunngassuteqarpoq:

Naammineq nunagisami takornartaalernermut tunngassuteqarpoq. Kalaallit Nunaanni inuit assigiinngitsut akornanni takornartaalernermut saqqummersitsiniarnera tunngassuteqarpoq. Immikkuualuttunngorsimavugut, immitsinnullu paasisinnaarpiarunnaarsimalluta, Inuk Silis Høegh naggasiivoq.

Saqqummersitsineq novembarip 27-annut ingerlanneqartussaq Inge S. Rasmussenip takornariarpaa. Eqqumiitsuliornerup kinaassutsimut attuumassuteqarnera kiisalu Kalaallit Nunaata Danmarkimut attuumassuteqarnera pillugit Nordatlantisk Bryggemi marlunngorpat oqallittoqassaaq. Internet-eqaraanni eqqumiitsuliat takuneqarsinnaallutillu saqqummersitsineq pillugu atuarneqarsinnaavoq uani www.denrodesnescooter.dk

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat