Ilinniartitaanermut, Kultureqarnermut, Ilageeqarnermut Nunanullu Allanut Naalakkersuisoq, Ane Lone Bagger (S) kulturikkut sulialinnut ukioq manna aningasaliissutit siulliit tunniuppai.Assi: Pressefoto

Eqqumiitsuliortut arfineq-pingasut Namminersorlutik Oqartussanit aningaasaliissutinnattut

Kulturimut tunngatillugu piviusulersaarusiamik, kalaallit ileqquinik misissuinermik suliaqartunut ilaatigut aningaasatigut tapersiisoqarpoq.

Ilinniartitaanermut, Kultureqarnermut, Ilageeqarnermut Nunanullu Allanut Naalakkersuisoq, Ane Lone Bagger (S) kulturikkut sulialinnut ukioq manna aningasaliissutit siulliit tunniuppai.

Tamanna tusagassiuutinut nalunaarummi allaaseraa.

Aningaasaliissutinik ukiumut pingasoriarluni tunniussisoqartarpoq, taakkulu akileraannginermi 22.000 koruuniullutik. Qinnuteqartut arfineq-pingasut maanna aningaasaliiffigineqarput. Ukuullutillu:

Namminersorlutik Oqartussat kulturikkut sulialinnut aningaasaliisarnerat

Aningaasaliissutit suliaqartunut neriunaatilinnut imaluunniit inuussutissarsiutigalugu eqqumiitsuliornermik suliaqartunut nunatsinni najugaqartunut tunniunneqartarput.

 

Ukunani suliaqartut sulinernermut legatimik qinnuteqarsinnaapput:

 

• assilialiorluni eqqumiitsuliorneq

• atuakkiorneq

• isiginnaartitsivimmi eqqumiitsuliornernut

• nipinik eqqumiitsuliortunut (erinarsornerit nipilersornerillu)

• filmiliorneq

• assassorluni sulineq

• eqqumiitsulianik ilusilersuinerit


Tigusiffik: Sullissivik.gl 

- Anders Berthelsenip Kalaallit Nunaanni nipilersornerup oqaluttuassartaata piviusulersaarusiornera qaammatinut sisamanut aningaasaliiffigineqarpoq.

- Inuuteq Akvilas Storchip ullutsinni Sisimiut assitigut takutinneqarnissaanut, assilianik atuakkiaa, qaammatinut sisamanut aningaasaliiffigineqarpoq.

AAMMA ATUARUK Nordens Institut i Grønland får ny direktør

- Terto Edele Ngiviup qanga kalaallit ileqquinut misissuineranut, kingornalu Kalaallit Nunaata sineriaani meeqqat atuarfiini ilinniarfeqarfiinilu saqqummiussassaanut, qaammatinut sisamanut aningaasaliisoqarpoq.

- Josef Lund Josefsenip, Nick Poulsenip, Nina Kreutzmann Jørgensenip aamma Rene Brandt Løvstrømip peqatigiillutik Josefip Nickillu tusarnaartitsisaqattaarnissaannut piareersaqatigiinnissaannut qaammammut ataatsimut aningaasaliisoqarpoq.

Inatsisartut kulturikkut sulialinnut ukioq manna 1,2 millionit koruunit aningaasaliissutigaat. Tulliani maajip aallaqqaataaniit septembarip aallaqqaataanut Sullissivik.gl-ikkut qinnuteqartoqarsinnaassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat