Eqqumiitsuliortoq siullermeerluni isiginnaartitseqataavoq
Isiginnaagassiami nuannarineqarluartumi marlulissat Lykke Thomasilu malinnaavigineqarput. Lisbeth Poulsenilu isiginnaagassiami tassaavoq Juliane, Thomasip kalaallisut oqalunnermut ilinniartitsisua.
Lisbeth Poulsen isiginnaagassiamut misilitsinnermi kalaallit arnat arfinillit akornanni toqqagaavoq, taamaattoq eqqumiitsuliortutut ilinniakkani tunulliullugu isiginnaartitsisartunngornissi siunniussimanagu, Atuagagdliutini apersorneqarnermini oqaatigaa.
"Lykke"-mi peqataanini sioqqullugu filmit allat marluk, Nuummioq Eksperimentilu peqataaffiginiarlugit misilitsiffigai, iluatsinngitsumik.
Lisbeth Poulsen kalaallit kinguaariit nutaat ineriartortitsisuusullu akornanniittutut imminut isigivoq.
- Inuusuttorpassuit ilinniagaqartarput ingerlalluarlutillu. Uanga takutikkusuppara Kalaallit Nunaat tassannaanngimmat meeqqat piitsut pissutsillu ajorluinnartut, Lisbeth Poulsen Atuagagdliutinut oqarpoq.
Taanna Maannakkut Aarhusimi najugaqarpoq, piffissallu ilaani Kalaallit Nunaannut uterumaarnissani naatsorsuutigaa.
Isiginnaagassiaq Lykke immikkoortoq siulleq Danmarkimi takutinneqaqqammerpoq. Immikkoortup aappaani, 2012-ip aallartinnerani takutinneqartussami, Lisbeth peqataaqqissanersoq pilersaarutaanngitsoq, aallakaatitassiami suliarinnitup Christian Rankip oqaatigaa.
