Eqqumiitsuliortoq saqqummersitsisussanngortoq

Qallunaaq eqqumiitsuliortoq Jens Galschiøt Københavnip ilaani Langeliniemi Afrikami silap pissusaata allanngoriartornera pillugu ataatsimeersuarnissamut atatillugu saqqummersitsisussanngorpoq.
novembarip 25-at 2009 09:53

Qungussutariannguup Langeliniemiittup saneerannguani eqqumiitsuliamik miiterinik pingasunik portutigisumik bronzemik sanaajusumik inissiiniarpoq, eqqumiitsuliaq tassaavoq naapertuilluarnerup guuterisaanik taaneqartartoq - Justitia - pualaqisoq qernertormiup saluttup qitini tikillugu imermiittup tunuani amaartittoq takuneqarsinnaavoq.

Nunat pisuut silap pissusaata allanngoriartorneranut atatillugu ileqqorissaartuusaarnerat naapertuilluarniartuusarnerallu eqqumiitsuliap takutinniarpaalusooq.

- Nunat killiit atugarissaaqalutik qungussutariannguatut ujaqqap qaavaniipput, imaq qaffariartortoq niguumilluarlugu. Massakkulli nunarsuatsinni qeqertarpassuit uligussaajartorput, massa ulussaarsuit, panernersuit perlerarnerillu sualummik Afrikami Asiamilu atugaaleruttortut, Jens Galschiøt eqqumiitsuliani pillugu oqarpoq.

Tamakku ajortorpassuit ima unitsinneqarsinnaapput: Nunarsuatsinni silaannaap kissatsikkiartornera unitseriarlugu maanna nunat eqqugaareersut annertuumik ikiorserlugit, Galschiøt oqarpoq.