Eqqaaniut: Eqqumiitsuliortoq pikkorissoq toqukkut qimaguppoq
Tikkili eqqumiitsuliortuuvoq ataqqineqarluartoq, qalipakkanik nunallu ilusianik eqqumiitsuliaminik pisortaqarfinni - ilaatigut Nuummi Namminersorlutik Oqartussat illorsuanni.
Suliassanik inniminniiffigineqarnikkut danskit kunngikkiormiut, Monacomi prinsi Albert FN-imilu qullersaasimasoq, Ban Ki-moon qalipaassunnikuuai.
Naalakkersuisut Siulittaasuata Naalakkersuisoqarfia Naalakkersuisut siulittaasuusimasunik qalipakkanik kingullermik inniminniivoq, Tikkililli suliaq ajoraluartumik naammassinngitsoorpaa. Suliarisartagai pilerigineqartorujuusarput qalipagaalu paninngitsulluunniit pisiarineqakulasarlutik.
Qalipagai nunatsinni - nunanilu allani angerlarsimaffinni katersuuffinnilu nivingapput. Nunatta nunaanik kalaallinillu paasinnilluarsinnaanerminik piginnaasaanillu ilisimaneqarpoq.
Toqukkut qimagunneratigut nunarput qalipaatinik atuilluni tarniminillu atuilluni eqqumiitsuliullammammik annaasaqarpoq
Tikkilip nuliani, panini ernuttanilu marluk najorunnaarpai.
Uummannami aqagu pingasunngornermi ualikkut nalunaaqutaq nalunaaqutaq ataatsimut qiteqqunnerani ilisaassaaq.
