Eqqumiitsuliortoq Bodil Kaalund toqukkut qimaguttoq
Eqqumiitsuliortoq grafikeri atuakkiartorlu Bodil Kaalund - 86-inik ukioqarluni toqukkut qimaguppoq.
Ilaqutaasut taama nalunaarutigivaat.
Bodil Kaalundip eqqumiitsiortarnermigut saniatigut nunatsinni ilaatigut assilissanik eqqumiitsuliortarneq pillugu inerisaaqataaffigisimavaa.
Bodil Kaalund eqqumiitsuliortoq Hans Lynge peqatigalugu eqqumiitsuliornermik atuarfik 1972-imili pilersitseqataasimapput.
Assilissat eqqumiitsuliat pillugit atuagaq Grønlands Kunst saqqummersissimavaa taannalu qallunaatut tuluttullu kingullermik 2010-imi nutarterlugu saqqummersinneqarpoq. Tamatumalu saniatigut oqaluffinni pinersaarsiortarsimalluni.
Bodil Kaalundip Lyngbymi angerlarsimaffia nunatsineersunit ornigarneqarluartarsimavoq, tassanimi eqqumiitsuliornerup tungaatigut isummersuuterpassuit qaffakaatinneqartarsimapput.