Eqqumiitsuliornermut ilinniarfimmi suliat Katuami saqqumersinneqartut

Eqqumiitsuliornermut ilinniarfimmi Nuummiittumi ilinniartut suliaat Danmarkimilu katersugaasivissuarmi Arken-imi assilialiornermut ilinniarfimmi ilinniartut suliaat kulturikkut illorsuarmi Katuami saqqummersinneqarnerat ualimut ammarneqassaaaq.
Allattoq Jaaku Lyberth
apriilip 13-at 2010 07:50

Saqqummersitsinermi takutinneqartussat tassaapput filmiliat aammalu assit katiterlugit suliat. Saqqummersinneqartussat Arkenimi assilialiornermut ilinniarfimmi ilinniartut Nuummi Eqqumiitsuliornermut ilinniarfimmi ilinniartut suleqatigalugit suliarineqarput Saqqummersitsineq eqqumiitsuliornermik sulianik paarlaasseqatigiinnikkut ingerlanneqarpoq, eqqumiitsuliornermut ilinniarfimmi ilinniartut marlukkaarlutik suliaqarnerminni eqqumiitsuliat suliarineqarlutik. Eqqumitsuliornermut ilinniarfiit marluusut saqqumersitaat, Danmarkimi eqqumiitsuliortunit filmiliornermillu sulialinnit isumagineqarput.

Saqqummersitsinermi nunatsinni saqqummersitseqataassapput Nuummi eqqumiitsuliornermik ilinniarfimmi ilinniartuusimasut aammalu maannakkut ilinnniartut, eqqumiitsiornermik ilinniarfiup pisortaanit Arnannguaq Høegh-mit aqunneqarlutik. Katuami saqqummersitsineq aprilip ulluisa 27ata tungaanut takuniarneqarsinnaavoq. Katuami saqqummertsineq naammassippat, saqqummersitat eqqumiitsuliortut suliaannik katersugaasivimmi Arken-imi Ishøjimiittumi saqqummersinneqassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq