Eqqumiitsuliat ullutsinnut sammisitat Taseralimmi saqqummersippaat
Carsten Schmit-Olsen titartakkat, qalipakkat, videot, qarasaasiat assillu atorlugit suliaqartarpoq taannalu nunarsuarmi siullersaalluni robotinik qalipaasuuvoq. Carsten Danmarkimi illoqarfippassuarni saqqummersitsisarsimavoq eqqumiitsuliortut allat peqatigalugit nunanilu allani saqqummersitsisarsimalluni. Carsten Schmit-Olsen Kunstner Samfundet Billedkunstnernes Forbundimi, Young Artist Clubimi, Budapestimi, Ungarnimi aamma Hjørringimi Det Grafiske Værkstedimi ilaasortaavoq. Maanna Sisimiormiut periarfissaqalerput Carsten Schmidt-Olsenip suliaasa qimerloornissaannut.
Taseralimmi Carsten Schmidt-Olsenip suliai saqqummersinneqartut tassaapput ukiut untritillit atukkatta aallartilaarneranni ukiunilu kingulliunerusuni suliat. Taseralimmi saqqummersitsinermi ilaatigut atorneqarput videot taakkulu ataatsimiittarfinni mikinerumaani isiginnaarneqarsinnaapput.