Eqqumiitsuliat alutornartut Taseralimmi saqqummersinneqarput

Pikkorinnerulernissaq siunertaralugu Nunatsinnit aallarneq isumassarsinartuuvoq. Aammattaarli angerlamut uternermi ilikkakkanik takutitsineq, aamma taama nuannertigaaq. Inuusuttoq assiliisartoq Inuuteq Storch assilisaminik saqqummersitsilerpat aamma nipilersoqatigiit rockimik nipilersortartut Small Time Giants tusarnaartitsilerpata, Sisimiuni kulturikkut Illorsuarmi Taseralimmi tamanna assersuutissaqassaaq.

Sisimiormiu Inuuteq Storch assiliinermik ilinniarfimmi Københavnimiittumi tusaamasaaqisumi Fatamorganami ukioq ataaseq ilinniartuussalluni siorna aallartippoq.

Taassuma assiliinermik soqutigisaqarnera atuartuugallarneranili paasinarsivoq. Inuuteq Storch  2009-mi Taseralimmi saqqummersitseqqaarpoq, tamatumani pikkorissutsiminik takutitsiinnarani, aammali assilissap oqimaaqatigiinneranik kusanassusermillu takunnissinnaanermik ersersitsisarluni.

Saqqummersitani nutaani Inuutip Fatamorganami ilinniartuusimanera malugineqarsinnaasoq, aamma assiliineq atorlugu eqqumiitsuliai isiginneriaasialu sakkortunerulersimasut, Taseralimmit maluginiarneqarput.

Assinik isiginnaareernermi unnukkut rockimik nipilersortunik tusarnaartoqarsinnaavoq, taakku tassaallutik nipilersoqatigiit Small Time Giants, Århusimi najugaqaraluarlutik Qaqortormiuusut.

Tivolimi ukiormanna Nunatsinnik ulloqartitsinernut atatillugu nipilersoqatigiit nuannarineqaqalutik tusarnaartitsipput, maannalu nipilersoriaasiat allaalaartoq kalaallinit tusarnaarneqarsinnaassalluni. Nipilersoqatigiit Nunatsinni siullerpaamik tusarnaartitsissapput sapaatillu akunnerata tulliani Nuummut tusarnaartitsiartussallutik.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat