Eqqumiitsulianut katersugaasivik pisuunnguallatsinneqarpoq
Ilulissani eqqumiitsulianut katersugaasivik Emanuel A. Petersenip qalipagaanik ataasiinnaanngitsumik, kisiannili aatsaat taama angitigisumik tunineqarnermigut pisuunnguallatsinneqarpoq.
Ukiut 50-it matuma siorna aappariit Birger Hansen-iugaluaq nulialu Kristine pisiniarfimmik Ilulissani aallartitsipput, tamannalu malunnartinniarlugu Emanuel A Petersenip qalipagaa ilaqutariit ukiut 30-it missaani pigereerlugu ernerata angajulliup massakkullu pisiniarfimmik aqutsisuusup Claus Hansenip Ilulissani eqqumiitsulianut katersugaasivimmut tunniuppaa. Taamaasilluni Ilulissani eqqumiitsulianut katersugaasivik aatsaat taama angitigisumik Emanuel A Petersenip qalipagaanik pigisaqalerpoq.
Qalipakkamik tunisinissaq ataatagigaluami qangali siunertarisimagaa, Claus Hansenip aamma oqaatigaa.