Eqquiniaatitsisartut: Tyskland bronzinnassaaq

Arsaalluni Sydafrikami World Cupertoqarnerani Tyskland Uruguayilu ualeru bronzinnanniutissapput, Tysklandillu ajugaanissaa nunarsuaq tamakkerlugu eqquiniaatitsisartut siulittuutigaat.

Sydafrikami World Cupertoqarnerani Tyskland ajugaanissaminut periarfissaqarneruvoq. Nunarsuaq tamakkerlugu eqquiniaasitsisartut arfineq-marluk nittartakkami wincomporator.comimi malinnaagaanni tassa taamaappoq.

Tyskit ajugaassappata aningaasat eqqorneqartussat annerpaamik 1,85-eriaammik amerlissapput. Uruaguayimiulli ajugaallutik arsaattarfik qimassappassuk, minnerpaamik 4,3-eriaammik pissarsissutigineqassaaq.

Unammisulli arsaannerup naammassinerani naligiiginnarpata aningaasat minnerpaamik 3,5-eriaammik amerlissapput. Tassa unammisut naligiiginnarnissaannit Tysklandip ajugaanissaa eqquiniaatitsisartut ilimagineruaat.

Arsaanneq uagut nalunaaqutarput malillugu ualeru tallimat-qeqqanut aallartissaaq - taannalu KNR-TV-kkut toqqaannartumik aallakaatinneqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat