Assi: Arktisk Kommando/Palle Lauritsen

Eqqugaasut Namminersorlutik Oqartussanit ikiorneqalersut

Naalakkersuisut Nuugaatsiami Illorsuarnilu eqqugaasimasunut nunatta karsianit aningaasaliinissaannut piginnaatitsissut akuersissutigineqarpoq.

Aningaasaqarnermut ataatsimiititaliap immikkut ittumik ataatsimiinnermi tamanna tallimanngornermi akuersissutigaa.

Aningaasaqarnermut Akileraartarnermullu naalakkersuisoqarfik tusagassiuutinut taama nalunaaruteqarput.

Naalakkersuisut Uummannap eqqaani tassaarsuaqarnerata kingunerisaanik ajunaarnersuarmi ikiuiniarnermut nunanit assigiinngitsunit tunniunneqartunik tigusinissamik atuinissamillu piginnaatinneqalertut, aningaasaqarnermut akileraartarnermullu naalakkersuisoq allappoq.

Konto nutaaq aningaasanut inatsimmi pilersinneqarpoq. Aningaasat ilaatigut atisanik, pequtinik, utaqqiisaagallartumik inissianut attartukkanut inissinneqarallarnermut, Nuugaatsiami Illorsuarniluunniit inigisamit qimagutsinneqarnermut atatillugu pequtit nuunneqarnerinut, isarussanut, qimminik qimarnussuinermi nerukkaatissarsinermilu, piniutinut ikiorsiissutinullu allanut atorneqassasut, aningaasaqarnermut akileraartarnermullu naalakkersuisoq allappoq.

Aningaasalli illumik nutaamik pisinermut, maanna inigisat pilersinneqaqqinnerannut, attaveqaatinik pisortalluunniit illuutaannik nappaaqqinnerni assigisaannullu toqqammaviusinnaanngitsut, aningaasaqarnermut akileraartarnermullu naalakkersuisup erseqqissaatigaa.

AAMMA ATUARUK Nuugaatsiaq Illorsuillu ammarnianngilagut

AAMMA ATUARUK Ajunaarnersuarmut aningaasartuutit nunap karsianit pissarsiarineqassasut

AAMMA ATUARUK Savalimmiuni kommuni Qaasuitsup Kommunianut 200.000 koruunik tunissuteqartoq

 

 

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat