Nuugaatsiaq efter tsunamien sidste sommerAssi: Beredskabsstyrelsen

Qujaukitsoq: Eqqugaasimasunut taarsiissutit akileraarutitaqassanngillat

Siorna tassaarsuaqarnerani eqqugaasunut taarsiissutit akileraarutigineqassanngitsut, nittartagaq Sermitsiaq.AG taama allaaserisaqarpoq.

Nuugaatsiami Illorsuarnilu innuttaasut siorna 50.000 koruuninik taarsiiffigineqartut taartisiaminnit akileraaruteqannginnissaannik siunnersuut Inatsisartuni sisamanngormat oqaluuserineqarpoq.

Tamannalu Siumup politikkikkut oqaaseqartartuata nuannaarutigaa.

- Inuit taakkunani najugaqartut misigissutsikkut annertuumik eqqugaareernermi qaavisigut inuiaqatigiittut naliginnaasumik ingerlaqataaneranni immikkut isigineqalaarsinnaanerat taanna inissaminiippoq.

- Tamatsinnut sunniuteqarnikooqaaq, kisianni inunnut pineqartunut suli sakkortunerusumik eqquisimanerata malitsigisaanik oqinnerusumik inuiaqatigiinni akuulernissaannut iluaqutaanissaa taanna anginerpaaq atuussinnaanissaanut qulakkeerumallugu, uagut akuersaarnikuuvugut, Karl Kristian Kruse KNR-imut taama oqarpoq.

Nittartagaq naapertorlugu, akileraarutit eqqarsaatigalugit pisussaaffilerneqanngitsumik taarsiissutit tunniussatut isigineqarput, taarsiissutivittullu isigineqarnatik.

Siunnersuummili atuarneqarsinnaavoq innuttaasut pineqartut taartisiatik akileraarutigissanngikkaat, Sermitsiaq.AG taama allaaserisaqarpoq.

AAMMA ATUARUK Qimagutitinneqartuni imigassaq aalakoornartortalik ajornartorsiutaalersimasoq

Siunnersuut aningaasaqarnermut naalakkersuisumit saqqummiunneqartoq novembarip aallaqqaataani aappassaaneerneqassaaq.

AAMMA ATUARUK Illorsuit og Nuugaatsiaq skal ryddes for miljøfarlige materialer

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat