Eqqissiviilliortoqarmat timmisartorsuaq nunnikkallartoq

Air Greenlandip timmisartorsua Atlantikoq qulaallugu timmisinneqartartoq, Norsaq pilersaarutaanngitsumik aqqutaani nunnittariaqalerpoq - ullumi Islandimut Keflavikimut nunnittariaqalerami.
Allattoq Elisa Isaksen
juunip 14-at 2012 07:30

Norsaq nunatta nalunaaqutaa malillugu ullaaq arfineq pingasut missaani Island-imi Keflavik-ip mittarfianut nunnippoq.

Radioaviisimit paasisat malillugit timmisartumut ilaasut ilaat arnaq inuusuttoq  qasusoormat, timmisartumi ilaasunut allanut toqqissisimanarunnaarpoq taamaattumillu timmisartoq Keflavikkimut nunnittariaqarsimalluni.

Arnaq aalajangersorneqarpoq, timmisartumi ilaasut ilaannit  nakorsanit politimiillu  arnaq eqqissisarneqarpoq.

Norsaq Keflavik-imut nunninnerata kingorna arnaq taanna Island-imi oqartussaasunit aaneqarpoq, tamatumalu kingorna Norsaq Kangerlussuarmukarluni aallarpoq.

Timmisartoq Kangerlussuarmut mippoq nalunaaqutaq aqqaneq sioqqullugu. Timmisartumi ilaasut timmisartorsuup Norsap Keflavik-imut nunnittariaqarsimanera pillugu nassuiaanneqarput.

Air Greenland-ip timmisartorsua Norsaq  Kangerlussuarmut ataasinngormat
ingerlaartilluni, Norge-mi Bergen-imut nunnittariaqarpoq, ilaasut ilaat napparsimalermat.