Eqqissiviilliortitsisut pingasut Nuummi politiit tigusaraat

Inuit pingasut Nuummi politiinit unnuaq tigusarineqarput, allallu sisamat ullumikkut unnerluutigineqarnissartik aamma naatsorsuutigisinnaavaat.

Imerniartarfiit matunerisa kingorna, tassa sisamanut tanneq qulingiluat missaanni, angutit marluk imerniartarfiup Manhattanip silataani kamaattut politiinit takuneqarput.

Inuusuttut 150-it missaat, 18-it 25-llu akornanni ukiullit, Manhattanip silataaniissimapput.

Kamaanneq politiit unitsippaat, angutillu aappaa politiit biiliinukaallugu, pisoq pillugu nassuiaateqarniassammat.

Isiginnaartut ataasiakkaat suaartarlutik sioorasaarillutillu politiinut uumisaarilerput - politiit unatarniarlugit angerlarsimaffiinulluunnit unatariartorniarlugit suaartarlutik.

Inuusuttut ingasappallaaleqimmata politiit najuuttut marluk politeeqatiminnik aggersaasariaqarput.

Politiit arfineq-pingasunngoramik, inuillu pingasut aqqusinermi eqqissiviilliortitsisut - politiinut sioorasaaralutillu inatsisinik atuuttunik unioqqutitsisutut - tigusaareermata, inuit katersuussimasut politiit ajattalerpaat akornusersorlugillu, tigusaasut iperagaatinniarlugit.

Taamaalimmat politiit anaattatik saqqummertariaqarpaat, eqqissiviilliortullu eqqissiiminiassammata politiit qimmiat ikiorsiuttariaqarlugu. Eqqissisitsiniaanerlu nalunaaquttap akunnera ataaseq qaangiummat aatsaat iluatsinneqarsinnaasimavoq.

Nuummi Politiit sapaatip akunnerata naanerani amerlanerusunik sulisoqartalissapput, politiinut innuttaasut ataqqinninngippallaarnerat piareersimaffiginiarlugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat