Eqqissiviilliorneq soraarsitsinermik kinguneqarpoq

Tunesiami sapaatip-akunnerini pingasuni eqqissiviilliortoqarujussuareersorlu naalagaaffiup iluani pissutsinut ministeri, politiinut aamma naalagaanersaasoq, præsidentip, Ben Alip, soraarsippaa.
januaarip 13-at 2011 06:23

Politiinut aporaattoqareernerani inuit parnaarussaasimasut tamarmik iperagaanissaat præsidentip aamma naalakkiutigaa.

Præsidentip taakku ullut marlussuit matuma siorna inupiluunerarpai.

Akerliussutsimik takutitsisoqarmat inuit ikinnerpaamik 23-t toqutaapput. Tunesiami inuusuttut suliffissaaleqinerujussuat akerliussutsimik takutitsinermut pissutaavoq. Ileqqorlunneq naqisimaneqarnerlu kingusinnerusukkut aamma isornartorsiorneqalerput.