Eqqissisimatitat 1 juli -mit Naalakkersuisunit atorunnaarsinneqarsinnaalerput
Eqqissisimatitsineq kulturikkullu kingornussat illersorneqarnissaat pillugit inatsit ippassaq inatsisartuni oqaluuserineqarmat, inatsisartuni ilaasortat 29-it akuersillutik taasipput, akerliusoqarani ataaseq taasisoqarmat taaseqataanngilaq. Kulturikkut kingornussatta eqqarsaatiginissaat qularnaarneqarput, aningaasarsiornikkut imminut napatinnissamut ineriartorneq kigaallatsinngikkaluarlugu, Kultureqarnermut Naalakkersuisoq Mimi Karlsen oqarpoq. Aatsitassarsiornikkut suliffeqarfissuit uulia aatsitassallu Kalaallit Nunaaniittut pilerigalugit eqqarsaatigaat. Eqqissisimatitsinermut inatsisip allanngutaa atorlugu, inuussutissarsiutitigut pilersaarutit suliffeqarfippassuarnik pilersitsisinnaasut naalakkersuisunit aallartinneqarsinnanngorput, eqqissisimatinneqartut pilersaarusiorfigineqalissappata.
Eqqissisimatinneqartut imaaliallaannaq atorunnaarsinneqassanngillat, immikkut illuinnaqqissaaartuusariaqarput tunngavilersorluagaallutillu Mimi Karlsen oqarpoq. Kulturikkut kingornussat uppernarsaasersorneqarnissaat pingaaruteqarpoq, eqqissisimatinneqarnerisa atorunnaarsinneqarnissaat pitinnagu, Mimi Karlsen oqarpoq.