Assi: budgora/Flickr Creative Commons

Eqqissisimatitsinermut ataatsimiititaliaq: Eqqissisimatitami umimmanniarneq akuerineqarsinnaanngilaq

Issittumi Sakkutooqarfiup umiarsuaanni inuttat umimmammik pisaqarsimasutut allanillu pingasunik Tunumi nunami eqqississimatitami unioqqutitsissimasutut pasineqarnerat Inatsisartut eqqissisimatitsinermut Avatangiisinullu ataatsimiititaliamit akuersaarneqanngilaq.

 - Unioqqutitsisoqarsimappat tamanna akuerineqarsinnaanngilaq, Doris J. Jensen Inatsisartuni eqqissisimatitsinermut Avatangiisinullu ataatsimiititaliami siulittaasoq KNR-imut oqarpoq

Ataatsimiititaliaq Naalakkersuisunut saaffiginninniarpoq pisoq ataatsimiititaliamit malinnaavigineqassammat.

Illersornissaqarfimmit maanna misissorneqarpoq, Issittumi Sakkutooqarfiup umiarsuaanni inuttat pisunik assigiinngitsunik sisamanik ukioq kingulleq ukiassakkut unioqqutsitsisoqarsimaneranik pasilliutinik.

AAMMA ATUARUK Umiarsuarmi alapernaarsuummi inuttat Nuna allanngutsaaliukkami umimmammik pisaqartut

Tamanna takuneqarsinnaavoq KNR-ip allagaatinik takunnissinnaanermik noqqaassuteqarneranit pissarineqartunit.

- Inatsisinik unioqqutsitsisoqarsimappat taamatullu iliuuseqartoqarsimappat tamanna akuerineqarsinnaanngilaq, Doris J. Jensen inatsisartuni eqqississimatitsinermut ataatsimiititaliaq sinnerlugu KNR-imut taama oqarpoq.

Tunumi nuna eqqissisimatitaavoq taamaattumillu tamaani piniagassanik piniarniaraanni aalisarniaraanniluunniit akuersissutinik immikkut ittunik piumasaqaateqarpoq.

Eqqissisimatitsinermut Ataatsimiititaliap siulittaasuata naqissuserpaa kikkut tamarmik inatsisit malittariaqaraat.

- Sakkutooqarfimmi paarsisugut tassaapput toqqissimatitsisussaasut nunatsinni. 

Sakkutuuni inatsisilerituup Claus Risbjergip KNR-imut uppernarsarpaa suliamut tunngatillugu paasissutissanik katersisoqarlunilu misissuisoqartoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat