Eqqissineq qanilaartuunerlu pillugit 1600 km.-inik pisuttut
Cree arfineq marluusut Creeunertik takutinniarlugu aammalu canadamiut, canadami nunap inuiisa minnerunngitsumillu canadami naalakkersuisut akornanni attaveqatigiinnermik nutaamik pilersitserusullutik pisupput. Ingerlaarnerminni inuusuttut utoqqaallu allat ilanngussuupput. Nunaqarfinni illoqarfinnilu aamma nerisassaqartinneqarlutillu siniffissaqartinneqarput.
Qaammatit marluk sinnerlugit pisupput Ottawamilu naalakkersuisoqarfiup saavanut ataasinngormat apuullutik. Arfineq marluullutik aallartittut nunap inuuinit nunap inuerinngisaanillu hundredilinnit ilaqalersimapput, tamarmillu ataatsimik anguniagaqarput, tassalu canadamiut kikkulluunniit pitsaanerusumik attaveqatigiilernissaat.
Creet inuusuttut sooq taamarsuaq pisussimanerlutik oqaluttuaraat. Ilaasa aatakkumik aanakkumillu ilungersuutigisimasaat eqqaaniarlugit taamaaliorput, allallu attaviit allanngortikkusuppaat pitsanngorsarusullugillu. Pisunnerat soqutigineqartupilussuuvoq.
Canadami høvdingit qullersaata Shawn Atleop pisoqatigiit hundrelippassuit inatsisartoqarfiup silataani oqalugiarfigai inuusuttullu arfineq marluk Canadap oqaluttuarisaanerani eqqaamaneqartussatut oqaatigalugit.
