Eqqissillutik ukiortaamut iserput
Eqqissiviilliortut kamaattullu ukioq kingulleq sapaatip akunnerisa naanerini ingasannerusarsimapput – inuit ukiutoqqami imigassartorsimagaluarlutik – nuannaarnerujussuat malunnarsimalluni. Taama oqarpoq Nuummi politeeqarfimmi pinerluttaalisitsisoq, Finn Jeppesen.
Nuummi Dronning Ingridip Napparsimmavissuani sulisut ukiut siuliinut naleqqiullugu aamma eqqissisimanerusimaqaat – nakorsiartut, oqarsinnaagutta nalinginnaasumik napparsimasut, kisiisa suliarisimallugit, ataasiakkaallu imigassartorpallaarsimasut isertitsivimmukaatassat nalaassimavaat.
Qummuroortartoqarneraniit aamma annerusumik ajutoortoqarsimanngilaq, heksehylinilli ajutoorsimasut ataasiakkaat nakorsiartariaqarsimapput. Niviarsiaq vibi Eugenius taama ilisimatitsivoq. Tassa heksehylinik amerlavallaanik inuit ataatsikkut ikitsisimariaraangamik ikitatillu qanippallaarsimariaraangamikkik, imaluunniit ikinniakkatik puiaasamut ikeriarlugit ikikkaangamikkik imminnut ajoqusertoortarsimapput.
Decembarip ulluisa 27-anni inuk ataaseq qummoroortitsiniartilluni ajutoorujussuangajavissimavoq, ukiumulli nutaamut isernerput uatsinnut eqqissisimanarsimaqaaq, Dronning Ingridip Napparsimmavissuani niviarsiaq, Vivi Eugenius, Radioavisimut oqarpoq.
