Yemen Eqqisseqatigiinnissaq pillugu isumaqatigiinniarneq iluatsinngitsoq
Yemenip kimmut sineriaani illoqarfimmi Hodeidami ullumi sapaammi sakkuaattoqaqqippoq, minnerpaamillu 29-t toqutaasimasut, nutaarsiassaqartitsivik AFP taama allappoq.
- Toqutaasuni 22-t pikititsisunit Houthineersuupput, naalagaaffiup sakkutuuineersut ilaat AFP-imut taama oqarput.
Paasissutissalli uppernarsineqarsinnaanngillat.
AAMMA ATUARUK Yemenimi meeqqat perlerlutik toqusut 85.000-iusinnaapput
Naalagaaffiup sakkutuui houthillu eqqisseqatigiinnissaq pillugu isumaqatigiinniarnerat ajornakusoorpoq.
Yemenimi, 30 millioninik innuttaasulimmi pikititsisut Houthit suli aqutsisuupput.
Stockholmimi isumaqatigiinniarneq Yemenimi ikiuniarnermut pingaaruteqarluinnaraluarpoq, piffissalli sivikitsuinnaap iluani aporaattoqaqqippoq.