Eqqisseqatigiikkumallutik akuersaarput

Frankrigep præsidentiata Nicolas Sarkozy-p isumaqatigiissitsiniareernerata kingorna Georgia Ruslandilu eqqisseqatigiikkumallutik maanna EU-mut akuersaarput.
aggustip 13-at 2008 08:10

Ippassaq unnukkut franskit præsidentiat taassumalu suleqataa georgiamiu Mikhail Saakasjvili tusagassiortunik katersuutitsipput, nalunaarutigaallu nunat taakku akerleriit eqqissinissamik akuersaarnerat.

Isumaqatigiissutigineqarpoq russit georgiamiullu sakkutoorpassui tamarmik sapaatip-akunnera kingulleq sorsuutileraluarnerminniit tunuartissasut.

Taama pisoqarpoq Georgiamiut Ossitiamut kujallermut saassussimmata taamalu russit taakkununnga illersuiniarlutik akisimmata.

Eqqisseqatigiissitsiniarnermili ataasiakkaamininnguit suli iluarsisariaqalaarnerat erseqqissaatigineqarpoq. Oqaatigineqarpoq ullaaq manna illuatungeriit akornanni pisuutitsiniarnerit suli ilaatigut ingerlasut.