Eqqillit siullersaallutik Amerikamut pipput

Eqqillit qangarsuaq siullersaallutik Amerikamut pisimasut inuit anaannik panerlutik ujaraannguussimasunik misissuinerit takutippaat.
apriilip 04-at 2008 08:28

Eqqillit siullersaallutik amerikamut pisimanerat annanik panerlutik ujarannguussimasunik misissuinerit uppernarsivaat.

Annat panerlutik ujarannguussimasut USA-p kippasinnerusortaani naalagaaffiup Oregonip inoqajuitsuani Paislay Caves-imi nassaarineqartut 14.300–inik pisoqaassuseqartut paasineqarpoq.

Inuit sananeqaataat - DNA - aallavigalugu misissuinerit takutippaat sananeqaatit taakkua eqqilinnit amerikap avannaani kujataanilu najugaqartunit ulloq manna tikillugu suli pigineqartut.

Inuit sananeqataat DNA pillugu ilisimatuut nunanit assigiingitsuneersut suleqatigiillutik misissuinerat, professori Eske Willerslew Københavnip universitetianeersumit siuttuuffigineqarpoq.