Eqqillit: Kelowna-mi isumaqatigiissut piviusunngortinneqarli

Canadami Newfoundlandimi Labradorimilu naggueqatitta siuttui neriupput, nunap immikkoortuini taakkunani innuttaasut ilinniartitaanikkut inissaqarniarnikkut peqqinnissakkullu atugaannik pitsanngorsaanissamut aningaasaliissutissatut siornali isumaqatigiissutigineqartut 25 milliarder koruunit sinneqartut, Canadami naalakkersuisunngortunit talerperliuniartuusunit akuersissutigineqarumaartut.

Newfoundlandimi Labradorimilu nunap inoqqaavi Naalakkersuisunullu siorna qinersineq sioqqutilaarlugu Canadami naalakkersisuusimasut pitsanngorsaanissamik isumaqatigiissuteqarput, isumaqatigiissut atserneqarluni Kelowna-mi isumaqatigiissut.

Newfoundlandimi Labradorimilu nunap inuii Canadamilu naalakkersuisut Saint Johns-imi sapaatip akunnerani matumani ataatsimeeqatigiipput.

Inuuniarnikkut atuakkanik pitsanngorsaanissamut isumaqatigiissutip piviusunngortinneqartariaqalernera assut kissaatiginartoq naggueqatigiit Metis-it siulittaasuat Clement Chartier ullumi ataatsimiinnermi oqarpoq. Newfoundlandimilu eqqillit siuttuat Brendan Sheppard oqarpoq, massakkut naalakkersuisuusut siuliisa qinersinissaq sioqqullugu isumaqatigiissummik piviusunngortitsisinngitsoorsimanerat assut uggornartuusoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat