Eqqartuussut suliassanngorteqqinneqassanngilaq

Isertitsivimmik nakkutiginninnissamik sumiginnaasimasutut Tasiilami politeeqarfiup pisortaata unnerluutigineqaraluarluni pinngitsuutinneqarnera, suliassanngorteqqinneqassanngilaq.

Taama oqarpoq, politiassessor Morten Nielsen.

-Eqqartuussutip piumasaqaatitai atuareerlugit ingerlatitseqqinniarata aalajangerpugut, Morten Nielsen Radioavisimut oqarpoq.

Isertitsivimmiittunut unnuakkut nalunaaqutaq aqqarngup ataatsillu akornanni alakkaasimangitsutut, matunillu unnuakkut ammatitsiinnarsimasutut, politeeqarfimmi pisortaasoq, Kristians Síngertât, unnerluutigineqaraluarpoq, oqareernitsitulli pinngitsuutitaalluni. Danmarkimi politiit kattuffianni eqqartuussissuserisup, Torben Kochip, suliaq Kristian Síngertâmut tunngasoq ingerlappaa, Tasiilamilu isertitsivimmi atugassarititaasut qanoq ajortigineri assorsuaq annilaarutigalugit, qimminulluunninngooq naleqqutinngillat.

Tasiilami isertitsivimmi takusani Folketingimi ombudsmandimut eqqartuussiveqarnerlu pillugu ataatsimiititaliamut anngunniarlugit, eqqartuussissuserisoq neriorsuisimavoq.

Danmarkimili ulapputeqarnini pissutigalugu neriorsuutini suli naammassinngilaa.