Eqqartuussivitsigut nalilersoqquaat

Kukkusoqarsimassappat akisussaaffimmik tigusiumaarlutik Inuit Ataqatigiit siulittaasuat inatsisartunilu ilaasortaq Kuupik Kleist oqarpoq:

- Manna tikillugu inatsisilerituunik marloriarluni misissuisoqartitsivoq, taakkualu inerniliineri imminnut akerleriilluinnarput. Inuit Ataqatigiinniit isumaqarpugut aalajangiinissaq piffissanngortoq aammalu kukkusoqarsimappat imaluunniit inatsisinik unioqqutitsisoqarsimappat akisussaaffimmik inissiisoqartariaqartoq, IA-p siulittaasua oqarpoq.

Kuupik Kleist isumaqarpoq inissiat tunisimasat pillugit nalunaarusiortitaasut kingulliit Nuna Eqqartuussissuserisut inassutigisaat malinneqartariaqartoq, eqqartuussivikkoorlugu aalajangiisoqarnissamik inassuteqaatigisaat.

- Eqqartuussissuserisut namminneq tunngavissaqannginneraramik akisussaaffimmik inissiinissamut. Aamma nalilersuinissaq ajornakusoortorujussuuvoq, sorpassuit ataatsikkoortillugit alaaserineqarmata, oqarpoq.

Nalunaarusiami ilaatigut inatsisit tunngaviusut aamma akileraartarnikkut pissutsit eqqartorneqarput.

- Piffissanngorunaraluarpoq eqqartuussivitsigoortumik nalilersuinissaq, aalajangiillunilu qanoq pisoqarnissaanik. Kukkusoqarsimappat akisussaaffimmik kukkusoqarsimappat inissiisoqartariaqarpoq, Kuupik Kleist oqarpoq.

Illuatungaatigut aamma inatsisartuni ilaasortatut piginnaaneqannginnerarput, akisussaaffimmik inissiinissamut.

- Ataatsimilluunniit akerlerinngilarput uuma suliap naammassineqarnissaa akisussaaffimmillu inissiisoqarnissaa. Kissaatigisarput unaavoq: Torersumik aamma arlaannaanulluunniit pituttoqqanngitsumik taamaaliortoqarnissaa.