Eqqartuussivilersuunneqarnissani avaqqunniarsaraa

5 millioni koruuninik tuneqqikkutsigut qaammammut marloriarluta Shetlandimi qeqertaaqqanukartalissaagut.

Taama Savalimmiuni umiarsuatilik ikaartaat assortuussutaasoq pillugu aaqqiissuteqarallarniarpoq.

Savalimmiuni umiarsuaatilik Smyril Line aaqqiissuteqarallarnermigut qeqertaaqqanit saniliminnit Shetlandimiittunit ikaartaat Norrøna pillugu eqqartuussivilersuunneqarnissani avaqqunniarsaraa.

Norrønap qeqertaaqqat aqqusaartarunnaarniarmagit pakatsineq ima annertutigaaq allat Savalimmiuni umiarsuaatilik eqqartuussiviit qullersakkut eqqartuussivilersorniarneqarluni. Shetlandimi qeqertaaqqani aningaasaateqarfik pisortanit pigineqartoq 45 millioni koruuninik ikaartaatip sananeqarnissaanut aningaasaliisimavoq.

Norrønap Lervick-ikkoortarnissaa Smyril Line-p akilersinnaanngitsutut nalilerpaa isumaqatigiissutigisinnaasaminnilli siunnersuuteqarpoq. Sapaatip akunneranut marloria Norrøna Lervick-ikkoortarunnaarluni qaammammut marloriaannaq aqqusaartalernissaa Smyril Line-p siunnersuutigaa. Norrøna Savalimmiuniit Hanstholmimut aallaraangat Lervick-imut aqqusaartassaaq uteraangallu aamma aqqusaartarluni.

Smyril Line-lli piumasaraa Shetlandimi qeqertaaqqat 5 millioni koruuninik aningaasaleeqqinnissaa.