Eqqartuussiveqarnermut aningaasaliisoqaqquaat

Eqqartuussiveqarnermik nutarterinissamut ataatsimiititaliarsuup inassutaasa piviusunngortinneqarnissaanut aningaasanik Danmarkimi naalakkersuisut aappaagumut imikkoortitseqqullugit Atlantikup Avannaani Suleqatigiit Folketingip aningaasaqarnermut ataatsimiititaliaanut inassuteqarput.

Ataatsimiitaliarsuup inassutaasa ilagaat nunatsinni matoqqasumik parnaarussiviliortoqassasoq, tamannalu aapaagumit aningaasanik immikkoortitsiffigisariaqartoq Kuupik Kleist Lars-Emil Johansenilu isumaqarput.

Eqqartuussiveqarnerup iluani allanik aamma atlantikup avannaamiut siunnersuuteqarput. Herstedvesterimi parnaarussat imigassamik ikiaroornartumillu atornerluisut katsorsartissinnaanissaat qulakkeerneqassasoq folketingimi ilaasortat kissaatigaat. Tamanna pisinnaavoq parnaarussivinni atornerluisut katsorsartinnissaannut aningaasat immikkoortinneqartartut ilaasa kalaallinut immikkoortinnerisigut, Kuupik Kleist Lars-Emil Johansenilu folketingip aningaasaqarnermut ataatsimiititaliaannut allapput.