Eqqartuussiveqarneq naalagaaffiup aaqqiiffigisariaqarpaa
Danskit naalagaaffiata isumannaassavai Kalaallit Nunaanni eqqartuussiveqarnerup susassaqarfii tamaasa, tassa isertinneqarnissamut utaqqisut ikilisarneqassapput, sumiiffinni eqqartuussisut ilinniartinneqarnerussapput amerlanerusunillu politeeqalerluni, inatsisinik atortitsinermut naalakkersuisoq Aleqa Hammond tusagassiortunik katersortitsinermini ippassaq pisumi oqarpoq.
Aaqqiissutissat tamakkiisut katillugit 200 mio. koruuninik naleqassangatinneqarput. Danmarkip inatsisinut atortitsinissamut ministeria Lene Espersen siusinnerusukkut oqartarsimavoq tulleriiaarisoqartariaqartoq inatsisissanut siunnersuutit saqqummiussuunneqalerpata.
Tamannali illua’tungilerneqarpoq Højeste Retsimi eqqartuussisumit Per Walsøemit taassumammi oqaatigaa eqqartuussiveqarnermi susassaqarfiit ataatsimut pingaaruteqarmata ataatsimullu aaqqiivigineqartariaqarlutik. Per Walsøe nangippoq Kalaalit Nunaanni eqqartuussiveqarnikkut pissutsit pitsanngorsimanngimmata isumaliutersuut tunniunneqarmat ukioq marluk matuma siorna.
