Eqqartuussaasoq angutaavoq 50-it sinnilaarlugit ukioqartoq, Eqqartuussisoqarfik Kujallermi ukiunik pingasunik pineqatissinneqarpoq. Eqqartuussut taanna Nunatta Eqqartuussisuuneqarfiata ippassaq sukannernerulersippaa. Assi: Pressefoto/Rigspolitiet

Eqqartuussisuuneqarfiup persuttaneq toqumik kinguneqartoq sukannernerusumik eqqartuussissutigaa

Narsami angummut utoqqasaamut peersuttagaanermi toqusoq pillugu pineqaatissiissut Nunatta Eqqartuussisuuneqarfiata ippassaq sukaterpaa.

Angut saassunneqareernerminit ullut 14-it qaangiummata toquvoq. Saassussineq ukioq kingulleq 2019-imi marsimi pivoq.

Angut eqqartuussaq 50-it sinnilaarlugit ukioqarpoq, Eqqartuussivik Kujallermilu ukiuni pingasuni pineqaatissinneqarsimasunut inissiisarfianniittussatut eqqartuunneqarluni.

Pineqaatissiissut Nunatta Eqqartuussisuuneqarfiata qaammatinik arfinilinnik ippassaq ilavaa. Politiit tusagassiutinut taama nalunaaruteqarput.

Nunatta Eqqartuussisuuneqarfiata saassussineq navianarlunilu peqqarniitsuummat toqqumillu kinguneqarmat sukannernerusumik nalilerpaa

Angulli toqutaasoq saassunneqarnermini ilisimaannavissimammat Eqqartuussivik Kujalleq Nunattalu Eqqartuussisuuneqarfiata saassussineq toqutsinissamik siunertaqarfiusimanissaanik naammattumik tunngavissaqanngitsutut nalilerpaaat. Taamaattumik inuarsimasutut eqqartuunneqarsinnaasimanngitsoq, politiit tusagassiutinut allapput.

Unnerluussissusaatitaasup sukannernnerulersitsineq iluarigaa

- Angummut utoqqasaamut peqqarniitsumik saassussineruvoq, ajoraluartumik toqumik kinguneqartumik. Nunatta Eqqartuussisuuneqarfiata pineqaatissiissummik sukatsinera iluarisimaarpara, unnerluussisussaatitaasuneersoq Emil Maegaard-Hoffmann oqarpoq.

Eqqartuussut pisunik allanik aamma imaqarpoq. Ilaatigut politikerinut nuimasunut Facebookikkut siorasaarinermik, taavalu angerlarsimaffimmi immiorsimasutut aserorterisimasutullu.

Angut pineqaatissinneqartoq ukioq kingulleq marsimili tigummigallarneqalerpoq. Toqutaasullu qanigisaanut 75.000 koruuninik taarsiisussanngorluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat