Eqqartuussisut pikkorissartinneqartalerlik
Eqqartuussiveqarneq pillugu ataatsimiititaliarsuup isumaliutissiissutaa tassaavoq, eqqartuussiviit amerlassusaat taamaaginnassasoq, aammalu eqqartuussisut inatsisilerituutut ilinniarsimanngikkaluartut eqqartuussinermi atorneqartuaannassasut.
Taama isumaqarpoq Eqqartuussiveqarneq pillugu ataatsimiititaliarsuup siulittaasua, Per Walsøe.
- Eqqartuussisup eqqartuussaasullu assigiimmik oqaaseqarnissaat pingaarutilerujussuuvoq. Inatsisilerituut Kalaallit Nunaanni ikittuararsuupput, taamaammat inatsisilerituutut ilinniarsimasuunissaq piumasarineqassappat, eqqartuussisorpassuit Danmarkimiit tikisinneqartariaqartassapput, tamatumalu kingunerissallugu nutserinerujussuaq oqaatsitigullu paatsoortarnerujussuaq, Per Walsøe oqarpoq.
Ataatsimiititaliarsuup taarsiullugu siunnersuutigaa eqqartuussisut illersuisullu pikkorissartinneqartarnissaat, suliaminnullu nakkutilliinissaminnut soraarummeersinneqartarnissaat.
