Raajat 4.000 tonsit 2003-mi EU-mut pisassaritinneqartut pillugit Namminersornerullutik Oqartussanit taarsiiffeqquneqarneq unitsinneqarpoq. Aalisartut Namminersornerullutik Oqartussanit 30 millioni koruuninik taarsiiffeqqugaluarput.
Aalisariutinik Piginneqatigiiffiit Kattuffiata, APK-p, ippassaq atorunnaarsinneqarnerata kingunerisaanik, taarsiiffigitinnissamik sulissuteqarnerup unitsinneqarnissaa aalajangiunneqarpoq. Aalajangerneq Polar Seafood-imit peqataaffigineqarusunngilaq. Taakku tusagassiuutitigut allapput, eqqartuussisulersuussinermi peqataanissartik eqqarsaatiginngikkitsik.
Taama nalunaarneq Royal Greenlandimi pisortap, Henrik Lethip, tupaallaatigaa. Taanna APK-jusimasumi siulittaasumut tulliugaluarpoq, taarsiiffigitinnissamillu eqqartuussisulersuussiniarneq unitsinneqassasoq innersuussutigaa.