Eqqartuussissuserisoq: Tûgdlik inunnut ataasiakkaanut tunngasunik oqaaseqarsinnaanngilaq

Tûgdlimmi pisarsimasut - soorlu sumiginnaanerit, eqqiluisaannginnerit, annersaaneq, mattunneqarnerit, annersinneqarnerit isimminneqartarnerillu - sapaatip-akunneri arlalinni saqqummiussorneqareersut - oqartussanit, nukappissat namminneq misigisaminnik oqaluttuaannit, angajoqqaanit sulisuusimasunillu - radioavisi Tûgdlimmit allakkatigut kiisami attavigineqarpoq.

Imarisaali qulaajaaviungaanngilaq.

Umiarsuaaqqap atuarfiutigisup Tûgdliup eqqartuussissuserisua Finn Meinel apeqqutissarpassuarnut naatsumik ima akissuteqarpoq:

"Tûgdlik - nipangiussisussaatitaaneq tunngavigalugu, inunnut ataasiakkaanut tunngasunik oqaaseqarsinnaanngilaq. Naammagittaalliuutit imaluunniit pisarsimasut nalinginnaanngitsut, erniinnaarluni misissuiffigineqartarput, inuusuttut Tûgdlimmiittuutigineqartut sulisullu apersorneqarnerisigut, aamma pisariaqartillugu inuusuttup inissinneqarsimasup kommunerisaa attaveqarfigineqartarpoq. Naammagittaalliutigineqartut arlaannaataluunniit pisoq uppernarsarsinnaasimanngikkaangalu suliaq unitsittarparput".

Tûgdlimmik piginnittoq Tom Lynge, siulersuisut siulittaasuat Hans Wichmann allaluunniit ulloq unnuarlu angerlasimaffimmi akisussaasoq, pisimasunut sakkortuunut radioavisimi  oqaluttuarineqareersunut tunngatillugu apersorusussimagaluarparput, oqaluttuat ilumoornersut paasiniarlugu.

Aamma paaserusussimagaluarparput annersaanerit, mattussinerit, atugassarititat isornarluinnartut, eqqiluisaannginnerit allallu, kommuninit aamma Namminersorlutik Oqartussanit oqaatigineqartut eqqortuunersut, soorluttaaq nukappiaqqat nukappissallu sumiginnakkat ajunngitsumik isumannaatsumillu Tûgdlimmi sulisunit nakkutigisimaneraat akisussaasunut apeqqutigerusussimagaluarlutigu.

Ajoraluartumilli apeqqutit arlaannaalluunniit maanna akineqarsinnaanngilaq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat