68-inik ukiulik Anne-Elisabeth Hagen Oslo ilaqutariit pisuuneersuuvoq. Qaammatit qulingiluat sinnerlugit matuma siornatigut tammarpoq.Assi: Scanpix

Eqqartuussissuserisoq: Norgemiup milliardærip nulia pillugu pisumi aallarussisut attaveqaqqipput

Kisianni Anne-Elisabeth Hagenip suli uumanera ilimanaateqarpallaanngitsoq politiit aalajangiusimaannarpaat.

Eqqartuussissuserisoq, norgemiup tammarsimasup Anne-Elisabeth Hagenip ilaqutaanik ikiuisoq, Oslomi pingasunngormat tusagassiortunik ataatsimiititsinermi oqarpoq aallarussisut ulloq juulip arfineq pingajuat attaveqarsimasut. 

68-inik ukiulik Anne-Elisabeth Hagen Oslo ilaqutariit pisuuneersuuvoq. Qaammatit qulingiluat sinnerlugit matuma siornatigut periarfeerunneqarpoq. Kingornatigut aallarussisoqarsimanera ilimagalugu pisoq suliarineqalerpoq. 

Pinerluttuliornikkulli toqutaasimassasoq poitiit juunimi isumaqalerput, tassami aallarussisuusorineqartunit ilaqutariit sivisuumik tusarsimanngimmata.

AAMMA ATUARUK Norgemiup aningaasaatilissuup nulia aallarunneqartoq

Tusagassiortunik ataatsimiititsinermi eqqartuussissuserisoq Svein Holden oqarpoq aallarussisuusorisat attaveqarsimanerannik paaissutissat nuitaat “ajornani uternissaanut neriuuteqalersitsisut”.

Politiit: Toqusimanissaa ilimanarpoq 

Anne-Elisabeth Hagen, milliardærimut Tom Hagenimut katissimasoq, Oslop avatinnguani angerlarsimaffimminit Lørenskogimit siorna oktoberip 31-ani periarfeerunneqarpoq. 

Aallaqqaataani pisoq pilitiit aallarussinertut aningaasanillu akiliisitsiniartut isigalugu misissorpaat. 

Qaammatit takussutissaqarfiunngitsumik ingerlanerini politiit qulalerput. Tusagassiortunillu ataatsimiititsinermi juunimii pisumi oqarput toqusimanissaa ilimagineqartariaqartoq.

Allarussisuusorineqarsinnaasut suleqatigiikkusussimannginnerat aamma tusarfigineqarnera kingulleq ulloq taanna periarfeerukkami oqarasuaatikkut oqaloqateqarnera tunngavigaat.

Kisianni Anne-Elisabeth Hagenip suli uumanera ilimanaateqarpallaanngitsoq politiit aalajangiusimaannarpaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat