Eqqartuusivimmik pilersitsisoqarnissaannut akuersipput
Libanonip naalakkersuisuisa Syriamut illuatungiliuttut, politikkikkut akerlerisani soqutiginagit nunat tamalaat akornanni eqqartuussivimmik pilersitsisoqarnissaannut akuersipput.
Libanonimi politikkimut tunngatillugu toqutsisarsimasut eqqartuussaanissaat eqqartuussiviup pilersinneqartussap isumagisarissavaa.
Naalakkersuisut Syriamik assuarinnittut Syriamullu qaninniartut illuatungiliuttut akornanni pissanganartorsiortoqarpoq, illuatungiliuttuni Hizbollah-kkut siuttuullutik.
Nuna tamakkerlugu suliumajunnaartoqarnissaannik akerliussutsiminnillu takutitsinissarsuarmik Hizbollah-kkut siorasaaripput.
Akerliussutsimik takutitsinerit sapaatip akunnerata tulliani aallartissasut ilimagineqarpoq.