Eqqarsaqatigiit pilersinneqarput

Kalaallit Nunaanni peqqinnissamut tamarmut tunngatillugu, Ileqqussat pillugit Eqqarsaqatigiit, 13-nik ilaasortaqartoq pilersinneqaqqammerpoq, ilaasortanngortullu peqqissutsimut inulerinermilu sullissisuupput.

- Kalaallit Nunaanni Danmarkiminngarnit allaassutigalugu Ileqqorissaarnissakkut Siunnersuisoqatigiinnik peqartoqarsimanngilaq, taamaattumik Eqqarsaqatigiinnik peqalerneq siumut alloriarujussuarneruvoq, Peqqissutsimut Naalakkersuisoq Asii Chemnitz Narup oqarpoq nangillunilu: - Nittartagaq allanut matoqqasoq ilaasortaasut 13-iusut oqalliffigisassavaat, taannalu atorlugu internettikkut ataatsimiittassapput ileqqorissaarnissakkut nalornissutaasut aalajangersimasut oqaluuserisassallugit.

Eqqarsaqatigiittartuni ilaasortat ataasiakkaat namminneq inuttut isummatik pissuserissaarnikkullu inissisimaffigisatik atorlugit isummersortassapput, oqallittoqareerneranilu inerniliussaat, Peqqissutsimut Avatangiisinullu Naalakkersuisumut ingerlateqqinneqartassapput.