Eqqakkat takornariat malugisaqaat

Takornariat amerlanersaat misigisaqarluarlutik nunatsinniit aallartarput. Silaannarik, imeq minguitsoq, pinngortitarlu nikisinneqanngingajavittoq. Takornarialli maluginiartagaanut ilaavoq asimi illoqarfinnilu eqqagassarpassuit.

Takornarianik angallassisartut ataasiarnatik aperineqartarput sooq taamak pinngortitaq avatangiisillu taama kusanaatsigisarnersut, taama Nuummi takornariaqarnermut pisortaq Flemming Nicolaisen oqarpoq.

- Tusartarpagut, qujanartumik akuttusuumik. Ingasannerpaasarpoq, ukiaminngaannit upernarnissaanut aput aakkaangat eqqagarpassuit nunamiit nuititilillaraangata. Tassami nunarput anorlernikkaajuvoq, taamaasillunilu aamma eqqagassat teqqartarlutik, upernaamilu saqqumilaarnerulersarlutik. Taamaattumik tusartarpagut, aamma aperineqartarpugut, sooq eqqagassat taamak amerlatiginersut. Soorunami takornariat piviusut pillugit oqaluttuuttarpagut, tassami eqqagassat uagut nammineerluta eqqagarivagut, tamannalu kusananngilaq. Iliuuseqarfigisinnaanngisarpulli tassaavoq anorlileraangat eqqagassat teqartarneri, uagullu taakkua iliuuseqarfigisinnaanngilagut. Taamaattoqarnera unitsinneqassappat, innuttaasut tamatta akisussaaqataavugut, Flemming Nicolajsen oqarpoq.