Eqqakkat pillugit videoliorit 10.000-inillu pinnallutit
Unammisitsinermi suliassaq tassaavoq atuaqatigiit paasititsiniaanermi erinarsuut Qujanaq Julie Berthelsenimit erinarsorneqartoq atorlugu takutitsillutik videoliornissaat. Erinarsuummi tassani eqqaavimmik atuisut aammalu Kalaallit Nunaanni avatangiisinik pinngortitamillu paarseqataasut tamarmik qutsavigineqarput.
AAMMA ATUARUK Paasisitsiniaaneq Qujanaq aallartinneqarpoq
Unammisitsinermi peqataaniaraanni ilinniartitsisup Qujanaq-p facebookikkut nittartagaanut, www.facebook.com/qujanaq link ikkutissavaa.
Tassalu inuit videoliamik nuannarinninnissaat apeqqutaassaaq. Naliliisartunit videoliat nuannarineqarnerpaat akornanni 10.000 koruuninnalluni ajugaasoq toqqarneqassaaq.
Ajugaasoq septembarip 22-ani saqqummiunneqassaaq
Videolianik ikkussinissamut piffissarititaasoq 22. septembarimut Namminersorlutik Oqartussanit sivitsorneqarpoq. Ajugaasoq septembarip naanerani saqqummiunneqassaaq.
AAMMA ATUARUK Illoqarfinni sisamani eqqaaviit erinarsortartut
Eqqaavimmik atuinissamik paasititsiniaaneq maajimi aallartinneqarpoq. Julie Berthelsen Maniitsumi Nuummilu atuartunit erinarsoqatigiinnik marlunnik erinarsoqateqarluni tusarnaartitsivoq. Taassuma malitsigisaanik nipilersorluni videoliaq arlaleriarluni tv-kkut takutinneqarpoqrinarsuut .
Facebookikkut nittartagaq nuannarineqartorujussuuvoq. 2000-it malinnaaffigaat aammalu 7000-it sinnerlugit nipilersorluni videoliaq isiginnaarsimavaat, erinarsuut Qujanaq oqarasuaammut sianertaatitut aaneqarsinnaavoq.
AAMMA ATUARUK Meeqqat aningaasarpassuarnik eqquinissamut periarfissinneqarput