Eqqakkat Nuuk Imeq-up eqqaanniittut PCB-llit peerneqartariaqartut
Inissianit ingutsikkanit eqqakkat 1000 kubikmeterisut angitigut PCB-mik ulikkaartut apriilimili Nuuk Imeq-p eqqaani sissamiipput. Qarmasissiat, taakkunannga seqummat sioqqallu illorsuarnit ingutsikkaneersut immamit nuiasaannarput. Eqqakkat taakkua, umiarsualivissamut toqqavissatut eqaqarsaataasimagaluartut, peerneqartariaqartut, nalunarusiami COWI-mit suliarineqartumik allaaserineqarpoq.
- Eqqakkat taakkua ulorianarput peerneqartariaqarlutillu, ineqarnermut attaveqarnermut avatangiisinullu aqutsesoqarfimmeersoq Tina Kreutzmann Petersen aviisimut Ingeniøren-imut oqarpoq.
Taanna nangillni oqarpoq, ingammik illorsuit qalipaatani PCB-qaqisoq.
PCB 1953-miit 1976-imut ilaatigut qalipaatini atorneqartarpoq, kisianni atoqqusaajunnaarluni, aalannguulluni nerisaqatigiinnut akuliuttarmat, inuullu nappaatinut illersorsinnaasusia ajoquserlugu.
Misissuinerup takutippaa, PCB, qalipaammiittoq kilomut 330 milligrammimiit 1030 milligrammiusoq. PCB qarmamut 2 centimteri tikillugu pulasimavoq.
Nalunaarusiaq ullumi saqqummiunneqassaaq.
Nunat iluani pissutsinut avatangiisinullu naalakkersuisoq Anthon Frederiksen attaveqarfigigatsigu oqarpoq, nalunaarusiaq aatsaat tigugamiuk atuaqqaassallugu, tamaammallu maanna oqaseqarsinnaannani.